تنهّد ياخفوقي ما مضى ما عاد فيه علاج = مقدّر والمقدّر ياخفوقي مالنا عنّه
وتباكي يا عيوني لين احصّل للدروب سراج = تباكي لين احصّل عن مشاهيب الزمن جنّه
فقدت من التوازن ما فقد يونس على الامواج = واكنّ من الوجع ما كنّ يعقوب النبي منّه
بريت الحال يا هم(ن) عن الكون الفسيح سياج = تعابيرك على وجه المعنّى من صغر سنّه
بري حالي بري حال المسيح ان جاته الافواج = ولا شاف ابن مريم شاهر(ن) له سيف ويسّنه
عذابي وآعذابي كل ما احصّل على مخراج = تناولني زمان وردّني للضيق والونّه
عن الواقع غفيت بقرب باب العفو والافراج = وقمت وقيل ضعف اللي مضى والروح ممتنّه
مضى لي ما مضى وبكل ليل آلدّ للابراج = عساي القى شعاع(ن) فيه ليلي مختلف ظنّه
علاما لا لقيت الناس لمواساتهم محتاج = اشوف انظارهم قالت : جزاة مخالف السنّه
آوادم والآوادم بالنوايب شامت وهرّاج = ولكن ما لنا عن ما تكنّ نفوسهم جنّه
أنا يالله وانّي متّخذ نهج النبي منهاج = دخيل برحمتك ياوافر الافضال والمنّه
بوجهك ياكريم الوجه عن هم(ن) عليّ سياج = تعابيره على وجه المعنّى من صغر سنّه

اغار حتى من ظلال اشجارك الياظللتك =يوم يتدلى غصنها .. ويصافحك منه الورق
مالك غنى عني بها .. حتى ولوهي دللتك= تذكر ان الله خلق .. لكن بخلق الله فرق!!
مهما تكابر .. خابره محدٍ بهالدنيا ملتك=زي مامليتك في سفن عشقي الى حد الغرق
مهما تحاول تنفلت تعرف بقلبي منزلتك=ماتغتني عن واهجي في ضو براقٍ برق ..!
لو ماانت لعيوني نظر ماغمضت واستحملتك=من كثر ماسهرتها .. صارت ولايف للأرق
تشبك عليك رموشها رغم الأرق مااستثقلتك=مالك عن عيوني .. ولا ليه عن عيونك .. طرق
تلوذ عني من ورى جذعٍ غصونه أمّلتك =بالفرحة اللي ظلها من صالي البعد احترق
ابقى انا فيض الوفا حتى ولوهي ظللتك=امدك لك فيّ الغلا وتمد لك غصن وورق

تدْري النّحل لو ذاق سكّر شفايفْك=يتْرك رحيق الورْد وإيحط!يمّك
وذاك البرد لو شاف لمْعة رهايفْك=يذوب غيره لانظر صوب فمّك
حتى القمر صار إيتمنّى وصايفْك=والّليل ودّه وسْط حضنه يضمّك
سبْحانه اللي من حلا, الكون قاطفْك=كمّلك ربّي ياحبيبي وأتمّك
شعْرك إلْيامنّك تثنّيت لحّفْك=لاناد ذعذاع النّسايم وزمّك
انت الوحيد اللي طيوفك تلاطفْك=والورد,ذاب وودّه انّه يشمّك
انت الغنج والدّل ناد, بتهنّفْك= من زود زينك خوف تحْسدْك أمّك
شاعرك بإحساسه عجز لايوصّفْك=لنّك جمعْت الزّين في راس كمّك
ياويش أوصّف بك قوامك!,سوالفْك= كلّك جميل وميّزك خفْ دمّك
حتّى قصيدي ياهوى الرّوح والفْك=يجْمع شتاتك في عروقي ويلمّك
جرْأة عيونك في هدبهن وخايفْك= لاسلْهمن ترْسل بهن سهْم سمّك
وأنا بقتْل الرّوح قابل تأسّفْك= فدْوى العيون وأنت ولايهمّك
دام الشّهد آيات سكّر شفايفْك=القلْب نحْله جابها الشّهْد يمّك

قلت الوداع وجاوبت دمعة العين..

تجرح بساتين الخدود النديه*

وأغضت، وشفت بعينها الحزن حزنين..

وصاااحت:على الفرقا انا مو قويه*

وجاوبتها"ارجوك" تكفين..تكفين..

والله دمعك يشعل النار فيه

وقالت: تعاهدني عهاد المحبين..

الله يخون اللي يخون بخويه

قلت ابشري واللي خلقك لاتضنين..

حرام ماغيرك "عشقت" ادميه

وقصت شعرها!! قلت أنا وش تسوين؟..

قالت ابي من غرتي لك هديه

ونادتني الغربه على الهم والبين..

احسب الايام روحه وجيه

وفي كل ليله ترتسم بين رمشين..

خيالها بين الرموش الشقيه

غربه سنه في ذمتي غربه سنين..

متى على الله يلتقي الحي حيه*

خلااص هانت مابقى غير يومين..

خلاص قفت غربة جرهديه

ورجعت شوقي في خفوقي براكين..

ورجعت انا كلي لها جاذبــــــيه

سألت ماردوا .وانا اصيــــــــــــح هي وين؟؟

وكل (ن) نثر من داخل العين ميه
*
وفي معمعة حزني تلقيت رمحين..

قالوا :توفــــــت!! غافلتها المنيه

وفي غرغرتها ماذكرت غير حرفين..

تشهدت بإسمك شــــفاة البنيه

وتزاحمت في داخلي الف سكين..

والحزن يطويني ثمانيـــــــن طيه

صدمه..وجابتني على الارض نصفين..

وشلون راحت دون ذنب وخطيه؟

تكفون..دلوني على القبر هالحين..

ماعاد فيني للصــبر مقدريه

ووقفت اطالع قبرها بين نصبين..

وجلست اضم اغلى النصايب عليه

واصييح وش بك ياغلااا ماتردين..

اشتقت لهمس شفاهك النرجسيه

وش فيك جيت من السفر ماتهلين؟..

ماهي بلك عاده ولاانتي رديه ..

وحاولت في لحظة جنون اجرح الدين..

وازيح تربة قــــــــــبرها في يديه

وبالغصب شالوني حشى تقل مسكين..

واصرخ بهم والله، والله حيــــــــــه

اقفت وتاهت بي جميع العناوين..

والحزن يلعب داخــــلي سامريه

ورجعت لدروب الشقى قبل عامين..

ومدري من اللي صار فينا ضحيه..!
زهره
ممارآق لي.. وآسفه على الإطاله :$ اتمنى ان تنال اعجآبكم